Justin Stephen Castaneda

“Asyano ako, Ipinagmamalaki ko.”

By: Justin Stephen Castaneda

Bakit ko ba dapat ipagmalaki na ako ay isang Asyano? Ano ba ang meron ang isang Asyano? Sino-sino ang mga nakilalang Asyano? Sa sanaysay na ito malalaman mo ang sagot sa mga katanungang ito.

Ako ay isang Pillipino at ipinagmamalaki ko na ako ay isang Asyano dahil kami ay mababait, mapagbigay, matulungin, magalang, masipag, matiyaga at rumerespeto sa aming mga kapwa. Ipinagmamalaki ko na ako’y isang Asyano na nakatira sa Asya kung saan may mayayamang kultura at tradisyon, magagandang tanawin, lugar at pook pasyalan, huwarang mga tao at mayroong ding magagandang kalidad ng mga produkto at marami pang iba.

Sa kabila ng mga positibong kalagayan ng mga Asyano, meron pa ring talagang sadyang naiinis at sumisira sa ating puri at dangal.  May  mga taong dinidiskrima at humuhusga sa atin. Halimbawa nito  ay  ang kulay ng ating balat, pinag-aralan at iba pa. Ngunit sa kabila nito, nananatili pa rin tayong matatag upang malagpasan ang mga pagsubok na ito.

Marami ring mga Asyano na kilala sa iba’t ibang larangan. Kagaya ni Manny “Pacman” Pacquiao na isa ring Pilipino gaya ko at isang boksingero, isa ring kampeon. Si Jeremy Lin at Yao Ming na parehong Chinese at mga manlalaro ng NBA. Si Charice Pempengco na isang Pilipino rin at sikat na mang-aawit. Lahat sila ay ipinagmamalaki na sila’y lahing Asyano. Ngunit sila lamang ang aking maibibigay na mga kilalang tao dahil napakarami pang mga kilalang tao na may kakaiba at natatanging mga talent.

Kahit anung lahi ka pa, ipagmalaki mo. Ipinanganak ka upang ipagmalaki mo ang iyong lahi. Huwag manghusga ng ibang lahi. Pagyamanin ang sariling kultura, tradisyon, at lahi. Binigyan tayo ng buhay ng Diyos upang tulungan at mahalin ang isa’t isa, at hindi manghusga at manira ng puri ng iba.